युवा महोत्सव के विकासखण्ड / जिला / राज्य स्तरीय आयोजन कब होही इहां देखव

युवा महोत्सव के विकासखण्ड /  जिला / राज्य स्तरीय आयोजन कब होही देखव

• विकासखण्ड स्तरीय युवा महोत्सव 30 नवंबर 2024 तक होही। 
• जिला स्तरीय युवा महोत्सव 1 ले 15 दिसम्बर के बीच म आयोजित होही।
• राज्य स्तरीय युवा महोत्सव के आयोजन 12 ले 14 जनवरी तक होही।

प्रदेश म राज्य स्तरीय युवा महोत्सव के तइयारी सुरू होगे हावय। मंत्रालय महानदी भवन म अपर मुख्य सचिव मनोज पिंगुआ के अध्यक्षता म राज्य युवा महोत्सव के तइयारी के संबंध म बइठक आयोजित करे गिस। राष्ट्रीय एकता, सामुदायिक सहभागिता अउ भाईचारा म बढ़ोत्तरी अउ राज्य के युवा मनला कला अउ संस्कृति के क्षेत्र म जादा ले जादा मउका दे के उद्देश्य ले छत्तीसगढ़ के राजधानी रायपुर म राज्य स्तरीय युवा महोत्सव के आयोजन करे जाही। राज्य स्तरीय युवा महोत्सव के आयोजन 12 ले 14 जनवरी तक होही। खेल संचालनालय परिसर अउ पंडित दीनदयाल उपाध्याय ऑडिटोरियम म तीन दिन तक चले वाला युवा महोत्सव म 13 रकम ले के विधा मन ले संबंधित प्रतियोगिता के आयोजन करे जाही।

युवा महोत्सव म विधा-

युवा महोत्सव म सांस्कृतिक विधा म समिलहा लोक नृत्य, समिलहा लोक गीत, व्यक्तिगत लोक नृत्य, व्यक्तिगत लोक गीत, लाईफ स्किल विधा म कहानी लेखन, चित्रकला, तात्कालिक भाषण, कविता, युवा कृति विधा म विज्ञान मेला, हस्तशिल्प, टेक्सटाईल, कृषि उत्पाद, आन विधा म रॉकबैंड उक सामिल हावय। 

राज्य युवा महोत्सव म भाग लेवइया मन के उमर 15 ले 29 साल करार करे गे हावय। जिला अउ ब्लॉक स्तर म होइस युवा परब के आयोजन के पाछु विजेता मन ल राज्य युवा महोत्सव म अपन प्रतिभा दिखाये के मउका मिलही। राज्य युवा महोत्सव के विजेता मन ल नगद पुरस्कार दे जाही। संग ही युवा महोत्सव के सबो भाग लेवइया मन ल प्रोत्साहित करे जाही। राज्य स्तरीय युवा परब के प्रतियोगिता बिहनिया 9 बजे ले रतिहा 8.30 बजे तक आयोजित के जाही। 

बइठक म जानकारी दीस के जिला स्तरीय अउ विकास खंड स्तरीय युवा परब के आयोजन के संबंध म राज्य के सबो जिला के कलेक्टर, संचालक संचालनालय, खेल अउ युवा कल्याण छत्तीसगढ़ डहर ले दिशा निर्देश जारी कर दे हावय।