'गुईयां' के अपार सफलता के बाद अब अमलेश नागेश गुईयां 2 के शूटिंग में व्यस्त

छत्तीसगढ़ी सिनेमा म तको अब फिलिम के सीक्वल के दौर चलत हाबे। केउ ठी छत्तीसगढ़ी फिलिम के सीक्वल बन चुके हावय, अभी अऊ बनतेच हावय। कुछ फिलिम तो भाग एक अउ दू ले तीन तक घलोक पहुंच गे हावय। इही ओढ़र म एन माही फिल्मस के बैनर तले निर्मित छत्तीसगढ़ी फिलिम 'गुईयां' के अपार सफलता के बाद निर्माता मोहित कुमार साहू एक बार फेर 'गुईया 2' के तैयारी म हावय। मिले आरो के मुताबिक फिलिम के निर्देशन यहू पइत जनता के सुपरस्टार अमलेश नागेश के अभिनय के संग निर्देशन के कमाल दिखही। फिलिम के शूटिंग महीना भर ले छत्तीसगढ़ी के खूबसूरत लोकेशन म करे जावथे।

'गुईयां' म अमलेश नागेश के संग छॉलीवुड के खूबसूरत अभिनेत्री हेमा शुक्ला ल बतौर नायिका लोगन मन बहुत पसंद करे रिहिस। फिल्म बाक्स आफिस म जबर सफलता पाये रिहिस। अब गुईयां सीक्वल गुईयां 2 म कुछ कलाकार मन म बदालव करे गे हावय अइसे जानकारी हावय। शुरू म पोस्टर रिलीज करे गे रिहिस ओमा अमलेश नागेश के संग एक्शन स्टार दिलेश साहू तको नजर आये रिहिस माने 'दू लायन फेस टू फेस' केहे गे रिहिस। 

अब येमा अहम किरदार म कोन;कोन हावय येतो आखिर म पता चलही। बहरहाल अभी दीक्षा जायसवाल बतौर नायिका गुईयां 2 म शूटिंग म व्यस्त हावय। दीक्षा जायसवाल फिल्म के शूटिंग म अभी अमलेश नागेश के गांव कामराज जिला गरियाबंद म हावय। निर्माता मोहित कुमार साहू के एन माही प्रोडक्शन के पूरा टीम फिलिम के सिरजन म रमे हावय।

मेगास्टार फिल्म होही गुईयां 2

सोशल मीडिया के म एन माही प्रोडक्शन कोति ले 1 नवंबर के इंस्टाग्राम म जारी पोस्टर म अमलेश नागेश, दिलेश साहू, प्रकाश अवस्थी, जीत शर्मा, दीक्षा जायसवाल, अनिकृति चौहान, आर मास्टर, अमित गोस्वामी, पप्पू चंद्राकर, धर्मेन्द्र चौबे अउ भुवन साहू के नाव प्रमुख रूप ले रिहिस।

गुईयां 2 के फस्ट लूक अवइया 28 नवंबर के जारी करे जाही। संग म यहू बात के घोसना होगे हावय के ये फिलिम प्रदेशभर के सिनेमाघर म 3 मई 2025 के रिलीज करे जा सकत हाबे।

cg film producer mohit kumar sahu

cg film actro amlesh nagesh

cg film actor Dilesh sahu

cg film actor prakash awasthi

cg film actor jeet sharma

cg film actress anikriti chauhan

cg film actress diksha jaiswal

cg film actor dharmendra chaubey

cg film actor pappu chandrakar

cg film actor R master