साहू छात्रावास भवन बलौदाबाजार म युवक-युवती परिचय सम्मेलन म सामिल होइस उप मुख्यमंत्री अरूण साव

छत्तीसगढ़ के उप मुख्यमंत्री अरूण साव ह साहू छात्रावास भवन, बलौदाबाजार म आयोजित साहू युवक-युवती परिचय सम्मेलन अउ सम्मान समारोह म सामिल होइस। ये मउका म ओमन स्मारिका पत्रिका, कैलेंडर अउ तेली दिवस पुस्तक के विमोचन तको करिन। संघरे छात्रावास कार्यालय के उद्घाटन करत समाज म जबर बुता करइया मनला सम्मानित करिन।

कार्यक्रम म माई पहुना के रूप म मुख्यमंत्री अरूण साव ह सभा ल संबोधित करत नोनी-बाबू मनला शुभकामना दिस अउ छात्रावास म पेवर ब्लॉक लगाये अउ रंगमंच बनाये के खातिर 25 लाख रूपिया दे के घोसना करिस।

ये मउका म कार्यक्रम म समाज के बिहाव लइक नोनी-बाबू मनके संग उंकर माता-पिता अउ अउ खास पहुना के रूप भाटापारा विधायक इंद्र साव, कसडोल विधायक संदीप साहू, साहू समाज के जिला अध्यक्ष सुनील कुमार साहू, कोषाध्यक्ष हनुमंत साहू, देव कुमारी साहू, रेवाराम साहू, जिला पदाधिकारी गण, तहसील अध्यक्ष अउ गजब झिन समाजिक बंधु मन जुरियाए रिहिन।