रजवार समाज के जिला स्तरीय सामाजिक सम्मेलन म सामिल होइन महिला बाल विकास अउ समाज कल्याण मंत्री श्रीमती लक्ष्मी राजवाड़े

छत्तीसगढ़ के कोरिया जिला के गांव घूघरा विकासखंड सोनहत म आयोजित 'रजवार समाज के जिला स्तरीय सामाजिक सम्मेलन' म  कैबिनेट मंत्री छत्तीसगढ़ शासन, महिला बाल विकास अउ समाज कल्याण विभाग श्रीमती लक्ष्मी राजवाड़े सामिल होइन।

ये मउका समाज के बड़का सियान मनके अलावा नोनी-बाबू सकलाय रिहिस। समाज कोति ले पहुना मनके जबर सुवागत तको करे गिस। कार्यक्रम म अपन रखत ओमन किहिन के रजवार समाज के लोगन मनके समाज म जबर योगदान हावय अउ अपन संस्कृति अउ परंपरा ल सजोए राखे म युवा मनके बरोबर भागीदारी दिखथे। आज रजवार समाज के बड़का सियान मनखे मनले गोठबात करे के सौभाग्य मिलिस।

कार्यक्रम म उरई पहुना के रूप म बैकुंठपुर विधायक भैयालाल राजवाड़े, रजवार समाज प्रदेस अध्यक्ष लखनलाल राजवाड़े, रजवार समाज प्रदेस सचिव संजय राजवाड़े, रजवार समाज जिला अध्यक्ष (कोरिया) रविशंकर राजवाड़े, रजवार समाज जिला अध्यक्ष (सूरजपुर) अरूण राजवाड़े, रजवार समाज जिला अध्यक्ष (सरगुजा) बालेश्वर राजवाड़े, अउ रजवार समाज जिला अध्यक्ष (कोरबा) कुलवंत राजवाड़े सहित समाज के गजब झिन सियान मौजूद रिहिन।

ए सम्मेलन ह समाज के एकता अउ समर्पण ल अउ मजबूत करे के बुता करही। हम सबो मिलके अपन सांस्कृतिक धरोहर ल बनाए रखे अउ समाज के उज्ज्वल भविष्य के दिशा म सरलग प्रयासरत रइबो।