फिल्म निर्माता छोटेलाल साहू जी ल जनमदिन के गाड़ा-गाड़ा बधाई अउ सुभकामना

छत्तीसगढ़ी सिनेमा के बड़े दिलवाला निर्माता, लोक गायक, अभिनेता छोटेलाल साहू के आज 1 दिसंबर के जनमदिन हावय। छोटे लाल साहू कसडोल अंचल के छोटे से गांव खैरा के निवासी हावय अउ उहां ले छॉलीवुड म एक बड़े मुकाम बनाना सिरतोन म बहुत बड़े बात आए। छोटेलाल साहू फिल्म निर्माण के संगेे संग एक बहुत अच्छा गायक अउ अभिनेता तको हावय। ओमन के गाये बहुत सुग्घर-सुग्घर गीत सोशल मीडिया म गजब लोकप्रिय होए हावय। अउ सिनेमा म ओमन के कृति ल तो जानतेच हव..., चल हट कोनो देख लिही, हंस झन पगली फस जबे, ले शुरू होगे मया के कहानी ले ओमन छत्तीसगढ़ी सिनेमा म नवा इतिहास रचे हावय। अइसन सरल, सहज, छत्तीसगढ़िया हृदय के बड़े दिलवाला श्री छोटेलाल साहू जी ल जनमदिन के गाड़ा गाड़ा बधाई अउ अनंत सुभकामना।

छोटेलाल साहू के सुपरहिट फिल्म-

हंस झन पगली फस जबे, चल हट कोनो देख लिही, ले शुरू होगे मया के कहानी

छोटेलाल साहू के सुपरहिट एल्‍बम गीत-

बन कोयली, मया के जादू करे, खैरा वाला राजा, आबे खैरा गांव, लवन के महमाई, गुरू आवव मोर अंगना म हो, मोला ले चल भांटो मेला, भाग जाग दे दाई, मोला मइके जान दे जोड़ी, तोर मया के रंग, चमेली आदि।