लोक सेवा आयोग के सिविल परीक्षा 2023 के टॉपर मनले भेट करिस मुख्यमंत्री विष्णु देव साय

मुख्यमंत्री विष्णु देव साय ह लोक सेवा आयोग के सिविल परीक्षा 2023 के प्रावीण्य सूची म आए सफल आवेदन करइया ले किहिन के तंहू मन ह छत्तीसगढ़ लोक सेवा आयोग डहर ले आयोजित सिविल सेवा के कठिन परीक्षा म शीर्ष ठऊर अर्जित करे हव, निश्चित रूप ले तंहू मन युवा पीढ़ी के खातिर आदर्श बन चुके हव। अपन मेहनत, संकल्प अउ समर्पण ले ये उपलब्धि हासिल के हव। तुँहर ये सफलता तुँहर परिवार, तुँहर शिक्षक मन के तको सफलता हावय। जेन युवा संगी भविष्य म अइसे ही सफलता हासिल करे के चाहत हावयं, वो अब तुँहर तनि देखही। वो जानना चाही के तुमन ए सफलता के खातिर कोन रकम ले तइयारी करेव, कतका मेहनत करेव। मोला खुसी हावय के तुंहर मन जइसे युवा प्रतिभा अब प्रशासन म जरूरी जुमेदारी संभालही। मोला तुमन ले इही कहना हावय के जतका पारदर्शिता के संग तुँहर चयन होए हावय, तंहू मन ओतका ही पारदर्शिता के संग अपन जुमेदारी के निर्वाह करिहव अउ प्रदेस म सुशासन स्थापित करे के हमर लक्ष्य ल हासिल करे म भागीदार बनहू।

मुख्यमंत्री साय ह किहिन के तुँमन ल हमेशा ये तको सुरता रखना होही के आगू तुँहर भूमिका लोक-सेवक के होही। तुँमन ल अपन जुमेदारी निर्वहन म धैर्य, विनम्रता अउ लोक-सेवक के सीमा के हमेशा धियान रखना होही। मुख्यमंत्री विष्णु देव साय ह आज अपन निवास म नेवताए छत्तीसगढ़ लोक सेवा आयोग साल 2023 के परीक्षा म चयनित आवेदन करइया के संग संवाद के बखत ये बात कही। ओमन सबो चयनित आवेदन करइया अउ उंकर घर वाला ल सफलता के खातिर सुभकामना अउ बधाई दी।

मुख्यमंत्री साय ह उंकर घर वाला ले तको गोठबात करिस अउ पहिली म लोक सेवा आयोग के परीक्षा म पारदर्शिता ल लेके उंकर मन म जेन संशय रिहिस, सुधारात्मक उपाय के बाद आये पारदर्शिता ल लेके फीडबैक तको लिस। ए कार्यक्रम के बखत टॉपर्स मन ह अपन सफलता के अनुभव साझा करिस अउ अपन सफलता के श्रेय माता-पिता, गुरुजन ल समर्पित करिन।

ए बखत मुख्यमंत्री साय ह सिविल सेवा परीक्षा के सबो टॉपर्स रविशंकर वर्मा, श्रीमती मृणमयी शुक्ला, सुश्री आस्था शर्मा, सुश्री किरण सिंह राजपूत, सुश्री नंदिनी साहू, सोनल यादव, दिव्यांश चौहान, शशांक कुमार, पुनीत वर्मा, उत्तम कुमार ल स्वामी विवेकानंद, स्वर्गीय श्रद्धेय अटल जी अउ प्रधानमंत्री नरेंद्र मोदी के जिनगी म आधारित पुस्तक अउ प्रशस्ति पाती भेंट करिस।