गरिमा दिवाकर छत्तीसगढ़ी सिनेमा म कोनो नवा नाम नोहय, छत्तीसगढ़ का पूरा देश जानथे के ओमन एक शानदार लोक गायिका आए। कलाकार पिता के संग गोदी में बइठके मया-दुलार पाये गरिमा आज लोककला के क्षेत्र अपन खुद के नाम स्थापित कर चुके हावय। गरिमा के संग ओकर बहिनी स्वर्णा तको ‘अंजोर’ म नाचत गावत धूम मचावत हाबे।
गरिमा दिवाकर अब गायिकी के संग अभिनय के दुनिया म अपन नाम बनाये के उदीम म रमगे हावय। गरिमा ह एनएसडी दिल्ली ले पढ़के आये हाबे, ओमन म राष्ट्रीय स्तर के छाप हे। जब गरिमा एनएसडी म रिहिसे तभेच केउ ठी नाटक म अभिनय अउ प्रदर्शन के सोर ले ये अंदाजा तो होगे रिहिस के अब गरिमा सिल्वर स्क्रीन म नवा रूप म आही। बहरहाल एनएसडी के अपन गरिमा हावय..., लेकिन हमर गरिमा के भीतर के कलाकारी के कोई सीमा नइये, नि:संदेह अभिनय म तको जबर सफलता पाही।
मिले आरो के मुताबिक मनोज वर्मा के निर्देशन म बने छत्तीसगढ़ी फिलिम 'सुकवा' म ओमन अहम किरदार म नजर आही। ये फिलिम के ट्रेलर अभी सोशल मीडिया म आगे हावय। लोगन मन सुकवा म गरिमा दिवाकर के नाम देखके ओकर कला के एक झलक देखे के ललक म कई-कई बार सुकवा के ट्रेलर ल देखत हाबे लेकिन मात्र कुछ सेकेन्ड ही ओमन दिखथे। हो सकत हाबे के निर्देशक मनोज वर्मा गरिमा दिवाकर ल सीधा बड़े पर्दा म ही दर्शक मनके बीच लाने के जोंगे होही। खैर अब ये फिलिम तो सिनेमाघर म अवइयाच हाबे तो गरिमा ल नवा रूप म देखे खातिर अब सुकवा के प्रदर्शन के दिन गिनत अगोरा करबोन।
सुकवा के पूरा गाना आप उंकर अधिकारिक चैलन म देख सकत हव-
- फिल्म - सुकवा
- कलाकार- मन कुरैशी, दीक्षा जायसवाल, गरिमा दिवाकर, ओमी स्टाइलो, संजय महानंद, पुष्पेंद्र सिंह, क्रांति दीक्षित, मनोज जोशी, विनय अंबस्ट, पप्पू चंद्राकर, हेमलाल कौशल, सेवकराम यादव, सूरज ठाकुर, अमित शर्मा, तुलेंद्र पटेल, शीतल शर्मा, ओंकार चौहान, समीर गांगुली, जयंत मुखर्जी, उपासना वैष्णव , अंजलि सिंह, सुमित्रा साहू, उषा विश्वकर्मा, अनुराधा दुबे, रेशमा जैन आदि।
- निर्देशक- मनोज वर्मा
- पटकथा संवाद- मनोज वर्मा
- निर्माता- गजेंद्र श्रीवास्तव
- एसोसिएट डायरेक्टर- तुलेन्द्र पटेल
- गायक/गायिका- सुनील सोनी, अलका चंद्राकर, अनुपमा मिश्रा, उदित नारायण, सोमी शैलेस, कंचन जोशी, मोनिका वर्मा, मिथलेश्वरी सेन
- संगीत निर्देशक- सुनील सोनी
- गीत- दास मनोहर, ओंकार चौहान, मनोज वर्मा, सुनील सोनी
- कोरियोग्राफी- चंदन दीप
- डी.ओ.पी- संदीप सेन
- सम्पादक- तुलेन्द्र पटेल
- सहायक निदेशक- हेमन्त निषाद, योगेन्द्र सोरी
- वी.एफ.एक्स- प्रवीर दास
- म्यूजिक अरेंजर- प्रफुल बैहरा
- पोशाक डिजाइन- रुनजुन जैन
- वीडियो बनाना- अजय कौशिक, भवानी साहू
- सोशल मीडिया डिज़ाइन- आतिश कुमार मौर्य
- ध्वनि रिकॉर्डिंग और पोस्ट-प्रोडक्शन- स्वप्निल डिजिटल स्टूडियो
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।