एक राष्ट्र एक राशनकार्ड योजना के तहत ई-केवाईसी बुता म तेजी लाने के निर्देश

मनेन्द्रगढ़-चिरमिरी-भरतपुर जिला म एक राष्ट्र एक राशनकार्ड योजना के तहत हितग्राही मनके ई-केवाईसी बुता तेज करे के निर्देश दे गे हावयं। भारत सरकार के दिशानिर्देश के मुताबिक सबो राशन कारड धारक के ई-केवाईसी ई-पॉस औजार के माध्यम ले पूरा करे जाना अनिवार्य हावय। 

अभी के बेरा म राज्य के कुल 2.71 करोड़ हितग्राही मन म ले 2.33 करोड़ के ई-केवाईसी पूरा हो चुके हावय, जबकि 38 लाख के बुता बांचे हावय। उहें एमसीबी जिला के कुल 3,65,697 राशन कारड धारक म ले अब तक 3,02,935 के ई-केवाईसी पूरा कर लिस हावय। बांचे 62,762 हितग्राही मन के बुता अभी बाकी हावय। जिला म ई-केवाईसी बुता के प्रगति 81.39 परतिसत हावय, जेन के राज्य के औसत 84.76 परतिसत ले कम हावय। ए स्थिति ल धियान म रखत होइस कलेक्टर डी. राहुल वेंकट के निर्देश के मुताबिक  मज्ञल्ब् बुता ल लघियात पूरा करे के निर्देश जारी करे  गे हावयं। 

उहें खाद्य अधिकारी ह सबो खाद्य निरीक्षक मनेंद्रगढ़, केल्हारी, खड़गवां, चिरमिरी अउ सबो संचालक/बेचइया शा.उ.मू. दुकान एमसीबी अउ आयुक्त नगर पालिका निगम चिरमिरी, सबो नगर पालिका अधिकारी नगर पंचायत, झगराखाण्ड, खोंगापानी, नवा लेदरी, मुख्य नगर पालिका अधिकारी मनेन्द्रगढ़ अउ सबो मुख्य कार्यपालन अधिकारी जनपद पंचायत मनेन्द्रगढ, खड़गवां, भरतपुर ल  निर्देश दिये गे हावय के जिला म ई-केवाईसी के बुता आन जिला  के तुलना म धीमा हावय, त ई-केवाईसी के बुता ल प्राथमिकता देत 100 परतिसत ई-केवाईसी ल लक्ष्य मानके जरूरी कार्यवाही करे सुनिश्चित करे के निर्देश दिये हावय। उहे विभाग डहर ले करे जात प्रयास ल रोज समीक्षा करिन जाही।