चितवाडोंगरी: जुन्ना शैलचित्र के ऐतिहासिक परमान

छत्तीसगढ़ के बालोद जिला के चितवाडोंगरी अपन पुरातात्विक शैलचित्र अउ प्राकृतिक गुफा मनके खातिर जाने जाथे। डौंडी लोहरा विकासखंड के गांव सहगांव के तिर ये क्षेत्र न सिरिफ ऐतिहासिक महत्ता के हावय, बल्कि प्राकृतिक सौंदर्य ले तको भरपूर हावय। चितवाडोंगरी के ऊंचा भाग ले गोंदली जलाशय अउ आसपास के वनांचल के अद्भुत दृश्य पर्यटक ल मंत्रमुग्ध कर देत हावय।

चितवाडोंगरी

चितवाडोंगरी म बड़े चट्टान के बीच म छोटे-छोटे गुफा अउ ये म उकेरे गे जुन्ना शैलचित्र येकर ऐतिहासिकता ल परगट करत हावयं। ये शैलचित्र ल संरक्षित करे के खातिर वन विभाग ह एला तार ले घेर दे हावय। पर्यटक के सुविधा के खातिर जिला प्रशासन ह चितवाडोंगरी ल पर्यटन जगह के रूप म विकसित करे के कई प्रयास करे  हावयं।

बालोद जिला के प्रमुख पुरातात्विक पर्यटन

इहां बइठक व्यवस्था, सोलर लाइट, शुद्ध पेयजल, शौचालय अउ पर्यावरण के अनुकूल रद्दा बनाए गे हावयं। संग ही वृक्षारोपण तको करे गे हावय, जेकर ले ये ठऊर अउ जादा आकर्षक बनगे हावय। ए क्षेत्र के खूबसूरती अउ ऐतिहासिक महत्ता ल देखे खातिर देशभर ले पर्यटक इहां पहुंचत रिहिन हावयं। चितवाडोंगरी अब बालोद जिला के प्रमुख पुरातात्विक पर्यटन जगह म ले एक बन चुके हावय, जिहां अवइया ल इतिहास अउ प्रकृति के बिचित्र संगम देखे ल मिलत हावय।