नगर निगम रायपुर के नवा महापौर अउ पार्षद मन लिस शपथ

नगर पालिक निगम, रायपुर के नवा महापौर अउ पार्षद मन के शपथ ग्रहण समारोह बलबीर सिंह जुनेजा इंडोर स्टेडियम रायपुर म होइस। ए मउका म मुख्यमंत्री विष्णु देव साय ह सबो नव-निर्वाचित जनप्रतिनिधी मन ल बधाई देत विश्वास व्यक्त करिन के नवनिर्वाचित महापौर अउ पार्षदगण अटल विश्वास पाती म करे गे सबोच वादा ल पूरा करके रायपुर ल स्वच्छ, सुव्यवस्थित अउ समृद्ध शहर बनाये के दिशा म दृढ़ संकल्प के संग बुता करही।

शपथ ग्रहण बाद महापौर मीनल चौबे ह मुख्यमंत्री साय, विधानसभा अध्यक्ष डॉ. रमन सिंह, उप मुख्यमंत्री अरुण साव अउ विजय शर्मा, मंत्रीगण, पूर्व महापौर अउ खास पहुना मन ल सुरता चिनहा भेंट करके सम्मानित करिन।

समारोह म वन मंत्री केदार कश्यप, कृषि मंत्री रामविचार नेताम, वित्त मंत्री ओपी चौधरी, सांसद बृजमोहन अग्रवाल, विधायक राजेश मूणत, किरण देव, सुनिसल सोनी, मोतीलाल साहू, पुरंदर मिश्रा, अनुज शर्मा, पूर्व विधानसभा अध्यक्ष गौरीशंकर अग्रवाल सहित केऊ जनप्रतिनिधि मन मौजूद रिहिस।