 |
| छत्तीसगढ़ राजभाषा आयोग |
छत्तीसगढ़ राजभाषा आयोग के आठवां प्रान्तीय सम्मेलन दिनांक 01 अउ 02 मार्च, 2025 के हॉटल वुड कैसल, मैग्नेटो मॉल के पास, रायपुर म होही। ये मउका म पहली सत्र-उद्घाटन समारोह म मुख्य अतिथि के रूप म प्रदेश के मुखिया विष्णु देव साय मुख्यमंत्री, अध्यक्षता बृजमोहन अग्रवाल सांसद, रायपुर लोकसभा क्षेत्र अउ अतिविशिष्ट अतिथि केदार कश्यप वन व जलवायु परिवर्तन मंत्री, श्रीमती लक्ष्मी राजवाड़े महिला अउ बाल विकास मंत्री, पुरन्दर मिश्रा विधायक रायपुर उत्तर, अनुज शर्मा विधायक धरसींवा रइही।
साहित्यकार मन के सम्मान
ये मउका म सियान साहित्यकार मनके सम्मान तको होही जेमा डॉ. देवधर दास महंत जांजगीर, काशीपुरी कुन्दन गरियाबंद, सीताराम साहू 'श्याम' बालोद, राघवेन्द्र दुबे बिलासपुर, कुबेर सिंह साहू राजनांदगांव, डॉ. दादूलाल जोशी राजनांदगांव मनके नाव प्रमुख रूप ले सामिल हावय।
किताब के विमोचन
ये जलसा म किताब के विमोचन तको होही जेमा देवचरन धुरी के देवचरन के कहमुकरी, डॉ. दीनदयाल साहू के भागमानी (छत्तीसगढ़ी उपन्यास), मुकेश कुमार के मंजरी पाती (छत्तीसगढ़ी उपन्यास), कन्हैया साहू 'अमित' के छत्तीसगढ़ के छत्तीस भाजी, राजकुमार चौधरी के छतनार (काव्य संग्रह), कैलाशेश्वर सिन्हा 'गब्दीवाला' के चल उड़ रे पुचुक चिरई, हरिशंकर प्रसाद देवांगन के एक कहानी हाना के, मिनेश कुमार साहू के गंगा बारू, डॉ. लूनेश कुमार वर्मा के माटी के दिया (काव्य संग्रह), रामनाथ साहू के गीतांजली (गुरूदेव रविन्द्रनाथ टेगोर के गीतांजली काव्य के छत्तीसगढ़ी अनुवाद), अउ दुर्गा प्रसाद पारकर के प्रतिज्ञा (मुंशी प्रेमचंद कृत प्रतिज्ञा के छत्तीसगढ़ी अनुवाद) आदि प्रमुख हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।