रायपुर। छत्तीसगढ़ राज बनइया, छत्तीसगढ़ी भाषा के दरजा देवइया, किसान-मजदूर महिला अउ बेरोजगार मन ल अधिकार देवइया छत्तीसगढ़ी समाज पार्टी कोति ले रायपुर नगर निगम के चुनई म तात्यापारा वार्ड क्रमांक 36 के पार्षद पद खातिर उम्मीदवार श्रीमती हेमा फणीन्द्र भूषण साहू (महमल्ला) ह ए पइत चुनई परब म संघरे हावय। श्रीमती हेमा फणीन्द्र भूषण साहू ह जनता के सेवा बर बना बांधे लोगन के बीच जावत हाबे। उनला वार्ड के जनता कोति ले गजब मया-दुलार अउ आसरिवाद मिलत हाबे। तात्यापारा वार्ड के नोनी-बाबू, लइका-सियान सबो मन एकजुट होके श्रीमती हेमा फणीन्द्र भूषण साहू ऊपर भरोसा जताये हाबे।
तात्यापारा वार्ड क्रमांक 36 के निवासी मनके कहना हाबे के- 'हेमा साहू (महमल्ला) ल जिताना हे तात्यापारा वार्ड म विकास लाना हे। पार्षद नइ सच्चा साथी बनाना हे शोसक लुटेरा दल के उम्मीदवार ल हराना हे। जउन गरीब मतदाता के काम करही ओही तात्यापारा वार्ड म राज करही।'
छत्तीसगढ़ी समाज पार्टी कोति ले चुनई मैदान म उतरे श्रीमती हेमा साहू ल 'सिलाई मशीन छाप' मिले हावय, अउ लोगन मन म 4 नंबर बटन दबाये के ठान डरे हावय। देश के बड़का पार्टी कोति इसारा करत जनका काहत हाबे के- 'दिल्ली के इसारा म चलइया उम्मीदवार ल हराना हे रायपुर ले नीति बनइया ल जिताना हे। शिक्षित ईमानदार सेवाभावी जुझारू श्रीमती हेमा फणीन्द्र भूषण साहू (महमल्ला) ल जिताना हे, तात्यापारा वार्ड ल सुन्दर अउ आदर्श बनाना हे।
श्रीमती हेमा साहू के संग म सियान अनिल दुबे राज्य आंदोलनकारी अध्यक्ष छसपा किसान मोर्चा अउ जागेश्वर प्रसाद (संगठन सचिव छसपा), जगदीश साहू (महमल्ला) संतोष श्रीवास, रोहित साहू, श्यामूराम सेन, जेठूराम यादव, भरत लाल यादव, राजेश सिंह बिसेन, त्रिभूवन यादव, अशोक यादव, काविश हैदरी, कल्बे सादिक, सिकन्दर रजा (छोटे पप्पू) सलमान हैदर (सल्लू), कमलेश साहू, बन्धु दुबे, मनोहर राउत, हनुमंत ठाकुर, नरेन्द्र सोनकर, श्रीमती उषा साहू, खुमेश्वरी साहू, रोहिणी ध्रुव, सुषमा भोडेकर, मंजू कन्नौजे, श्रीमती रूब्बी खान, लता विश्वकर्मा, लक्ष्मी निषाद, बेबी बांगडे उक मन अपील करे हावय के सिलाई मशीन छाप म बटन दबाके भारी बहुमत ले जितावव अउ समसिया ले छुटकारा पावव।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।