अपना सिनेमा प्रोडक्शन हाउस के बैनर तरी बने फिलिम 'यादव जी के मधु जी' एक हास्य प्रधान, फैमिली ड्रामा मूवी आए। ये फिलिम के निर्माता हाबे शिवाली सैनी ह अउ निर्देशन करे हाबे आदिल खान ह जेन ये फिलिम के कहानी ल तको लिखे हाबे। सोशल मीडिया ले मिले आरो के मुताबिक फिल्म ह अवइया 28 फरवरी से सिनेमाघर म रिलीज होवइया हाबे।
फिल्म 'यादव जी के मधु जी' के पोस्टर अउ रिलीज ट्रेलर ल देखे जाए तो, येहा पूरा मनोरंजक सीजी मूवी आए। जेमा डोकरा-डोकरी के मया ले हांसी, ठहाका, गुदगुदी ले सिनेमाघर म खलबली मचाये के उदीम करे गे हावय। एक कहानी किथे के 'अड़सठ के डोकरा अउ पच्चीस के दम' त दूसर कहानी म टूरा-टूरी के बिहाव के जोखा अउ मया के जोखा ह दूनो उमर के लोगन के मन ल भाही।
अइसे नही के येमा सिरिफ डोकरी-डोकरा के मया ले बोर करे जाही बल्कि जवान मन बर जवानी के कहानी तको हावय। नवा तरीका के गीत अउ संगीत के संग टूरा-टूरी के छलकत जवानी ह मया ल उबूक-चूबूक करे में कोनो कसर नी छोड़े। कुल मिलाके पइसा वसूल फिलिम हाबे, तो देखे बर झन भुलाहू 28 फरवरी ले सिनेमा घर आहू।
- फ़िल्म: यादव जी के मधु जी
- प्रोडक्शन: अपना सिनेमा
- निर्माता: शिवाली सैनी
- कहानी/ निर्देशक: आदिल खान
- सहा.निर्देशक: रमन साहू, अंशुमन साहू, शांतनु वैष्णव
- अभिनेता: सुनील चिपड़े, श्वेता पाण्डेय, रोहित वैष्णव, वैष्णवी जैन, नवीन सोनी, प्रियंका फूलझेले, संस्कृति सिंह, ऐश्वर्य लक्ष्मी बाजपेयी, विकम सिंह ठाकुर, चारू दूबे, पूनम द्विवेदी, समक्ष जैन, अनुराग कुमार, निर्मल टण्डन, आशा टण्डन, संतोषी जायसवाल, शत्रुघन जसवानी, नरेन्द्र सिंह चन्देल, संगीता चक्रधारी
- गायक: अनुपमा मिश्रा, ऋषभ सिंह ठाकुर, निखिलेश टिकादार, श्रद्धा मंडल, रैपर अंकित, जी उमा महेश, श्रुति प्रबला
- गीत: आदिल खान, आदित्य चक्रवर्ती, रैपर अंकित
- संगीत: आदित्य चक्रवर्ती
- बी.जी.एम.: आदित्य चक्रवर्ती
- ऑडियो मिक्स और मास्टरींग: श्रीयश साहू
- रिकार्डिस्ट: श्रीयश साहू
- डीओपी: आदिल खान
- कैमरामैन : देवेन्द्र साहू
- वीएफएक्स: संतू सिदार
- संपादक: संतू सिदार
- प्रकाश: नवाब खान
- एक्शन: आदिल खान
- मेकअप: टोनी और आरज़ू खान
- पोशाक: शिवाली सैनी
- प्रोडक्शन मैनेजर: समक्ष जैन
- कार्यकारी निर्माता: शिवाली सैनी
- पोस्टर डिज़ाइन: देवेन्द्र देवांगन (डीडी)
- पोस्ट प्रोडक्शन: संतू सिदार
- भाषा: छत्तीसगढ़ी
- प्रदर्शन: 28 फरवरी 2025
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।