agniveer recruitment 2025 apply online date; भारतीय सेना म अग्निवीर पद के भरती के खातिर युवा मन के खातिर सुनहरा मउका हावय। इच्छुक युवा 12 मार्च ले अपन ऑनलाईन आवेदन प्रस्तुत कर सकत हावय। सेना भरती कार्यालय रायपुर ले मिले जानकारी के मुताबिक अग्निवीर के भरती के खातिर अधिसूचना जारी करे जा चुके हावय, जेन भारतीय सेना के वेबसाइट http://www.joinindianarmy.nic.in म मौजूद हावय। अग्निवीर के भरती जनरल, तकनीकी, क्लर्क, ट्रेडमेन (8वीं अउ 10वीं), महिला सैन्य पुलिस अउ रेगुलर कैडर भरती धर्म गुरू, नर्सिंग साथी अउ सिपाही फार्मा के पद के खातिर जारी करे गे हावय। इच्छुक युवा सेना म भरती के खातिर ऑनलाइन आवेदन के प्रकिया 12 मार्च ले 10 अप्रैल 2025 तक कर सकत हावयं।
अभ्यार्थी अग्निवीर के दू पद के खातिर अपन योग्यता मुताबिक आवेदन कर सकत हावय। अग्निवीर क्लर्क के अभ्यार्थी ल ऑनलाइन परीक्षा सीईई के समय टाइपिंग टेस्ट तको देना होही। ऑनलाइन परीक्षा सीईई जून 2025 म होए के संभावना हावय।
कोनो आन जानकारी अउ समस्या के खातिर युवा सेना भरती कार्यालय रायपुर के टेलिफोन नंबर 0771-2965212/0771-2965214 म संपर्क कर सकत हावयं। सेना के अधिकारी मन बताइन हावय के भारतीय सेना म चयन निष्पक्ष, पारदर्शी अउ सिरिफ योग्यता के आधार म करे जात हावय। इही सेती कोनो तको अनाधिकृत मनखे मन के झांसे म न आए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।