बजट ले छत्तीसगढ़ के विकास ल मिलही गति - मुख्यमंत्री विष्णु देव साय

ये बजट अभी के बेरा के जरूरत ल पूरा करत भविष्य म विकसित छत्तीसगढ़ के अधोसंरचना जरूरत के मुताबिक तइयार करे गे हावय। ए बजट ले छत्तीसगढ़ के विकास ल गति मिलही। एमे धान के कटोरे के चमक 'कृषि अर्थव्यवस्था' ल संवारे  के उपाय के संग ही इंडस्ट्रियल हब अउ आईटी हब के रूप म छत्तीसगढ़ ल तइयार करे के ठोस नेव रखे गे हावय। मुख्यमंत्री विष्णु देव साय ह विधानसभा म अपन सरकार के आन साल के प्रस्तुत बजट म प्रतिक्रिया व्यक्त करत होइस ये बात कही।

साय ह किहिन के प्रधानमंत्री नरेंद्र मोदी के मार्गदर्शन म हमन छत्तीसगढ़ ल विकसित राज्य बनाये के लक्ष्य रखे हावय। येकर खातिर बहुत जरूरी हावय के हम आधुनिक समय के मुताबिक अपन अर्थव्यवस्था ल तइयार करेें, बजट म पूरा फोकस इही म हावय। मुख्यमंत्री ह किहिन के हमन ल प्रदेस म बदहाल राजकोष अउ कुशासन के विरासत मिले रिहिस। हमन राजकोषीय सुधार के संग प्रशासनिक प्रणाली म सुधार करत बजट के संतुलित उपयोग ले प्रदेस म जनकल्याण के बुता फेर सुरू कराही। अब छत्तीसगढ़ म विकास ट्रैक म आ गे हावय अउ ट्रिपल इंजन के सरकार एला तेजी ले गति देत हावय। बजट प्रावधान ले ये गति अउ बाढ़ही।

मुख्यमंत्री साय ह किहिन के पाछु बजट म विकसित भारत के संकल्पना के मुताबिक समावेशी विकास के रसता तइयार होए अउ हमर फोकस ज्ञान माने गरीब, युवा, अन्नदाता अउ नारीशक्ति म रिहिस। इंकर खातिर हमन जेन रकम ले ले नवाचारी योजना मन लागू करिस, उंकर प्रभावी नतीजे मिलिस। ए बार बजट के थीम हावय ‘‘ज्ञान के खातिर गति‘‘ ये हमर ट्रिपल इंजन सरकार के लक्ष्य के मुताबिक हावय। ओमन बताइन के गति ले हमर तात्पर्य सुशासन, बुनियादी नेव म तेजी लाना, तकनीक के अधिकाधिक प्रयोग अउ औद्योगिक विकास म तीव्र बड़वार करे हावय। हम ये सबो मानदंडों ल पूरा करही।

मुख्यमंत्री ह किहिन के छत्तीसगढ़ के समग्र विकास के खातिर हमन बड़े सपना देखे हावयं अउ ओला पूरा करे के रणनीति तको तइयार कर लिस हावय। एमन ल पूरा करे के खातिर हमर ट्रिपल इंजन के सरकार पूरा रफ्तार ले काम करही।

ए मउका म मुख्यमंत्री ह छत्तीसगढ़ राज्य के निर्माता पूूूर्व प्रधानमंत्री स्वर्गीय अटल बिहारी वाजपेयी जी के सुरता तको करिन। ओमन किहिन के उंकर जनम शताब्दी साल  ल हम अटल बनाये साल के रूप म मनात हावयं। ओमन किहिन के अटल जी छत्तीसगढ़ ल विकसित राज्य के श्रेणी म देखना चाहत रिहिस, उंकर सपना ल पूरा करे के ठोस नेव हमन रखे हावन। मुख्यमंत्री ह किहिन के छत्तीसगढ़ म अइसे अधोसंरचना के जरूरत होही जेन एक विकसित औद्योगिक राज्य के जरूरत ल पूरा करत होही। येकर खातिर हमन बजट म बिसेस प्रावधान करे हावयं। रायपुर-दुर्ग मेट्रो सेवा के सर्वे होही। नवा  औद्योगिक पार्क स्थापित करत हावयं। येकर खातिर 700 करोड़ रूपिया के बजट रखे गे हावय। महानदी- इंद्रावती अउ कोडार-सिकासर जइसे नदि ल जोड़े, खेती म निवेश करही। नवा सिंचाई परियोजना के खातिर 1500 करोड़ के बजट प्रावधान करे गे हावय।

मुख्यमंत्री ह किहिन के हमन बजट म मानव संसाधन ल सहेजेे के खातिर नवा  अस्पताल, आधुनिक स्कूल अउ एमे पर्याप्त स्टाफ के संबंध म बेवस्था करे हावय। राज्य के नवा औद्योगिक नीति के जरूरत ल पूरा करे 12 नवा इंजीनियरिंग कालेज अउ 12 पालिटेक्निक कालेज सुरू करही। नवा  बिजनेस अउ स्टार्टअप के खातिर 700 करोड़ रूपिया के इंडस्ट्रियल सब्सिडी सपोर्ट रखे गे हावय। मुख्यमंत्री ह किहिन के ए बार पूंजीगत व्यय 26 हजार करोड़ रूपिया ले जादा रखे गे हावय जेन पाछु साल के तुलना म 18 परतिसत हावय। पूंजीगत व्यय म करे गे निवेश के कई गुना रिटर्न मिलत हावय। मुख्यमंत्री ह किहिन के बजट समावेशी हावय अउ सबो के संग, सबो के विकास, सबो के विश्वास, सबो के प्रयास के हमर ध्येय के मुताबिक तइयार करे गे हावय। मुख्यमंत्री ह किहिन के पंडित दीनदयाल उपाध्याय जी के आदर्श के मुताबिक हमन अंत्योदय के कल्याण के खातिर अउ इंकर समग्र विकास के खातिर बिसेस बजट प्रावधान रखे हावय। पाछु बजट म गरीब युवा, अन्नदाता अउ नारी शक्ति अउ जनजाति विकास के खातिर जेन योजना मन सुरू के गे रिहिस, उंकर खातिर बजट प्रावधान के संग ही इंकर विकास के खातिर नवा योजना मन तको ए बजट म सुरू के गे हावय। मुख्यमंत्री ह किहिन के ए बजट के संग हमर प्रदेस नवा  संकल्पों के संग अपन सपना ल पूरा करे एक नवा उड़ान भरेगा।