विधानसभा म रंग-गुलाल ले सराबोर होली मिलन समारोह, विधायक मन तको झुक झुमके गाइस फाग

विधानसभा परिसर म होली मिलन समारोह के रंगारंग आयोजन होइस, जेमा विधानसभा अध्यक्ष डॉ. रमन सिंह, मुख्यमंत्री विष्णुदेव साय, नेता प्रतिपक्ष डॉ. चरणदास महंत सहित तमाम विधायक ह एक-दूसर ल रंग-गुलाल लगाके होली के शुभकामना दीस। आयोजन के पूरा माहौल होली के उल्लास म सराबोर रिहिन। मंत्री अउ विधायक ह पारंपरिक फाग गीत मन के मनमोहक प्रस्तुति दीस, जेन म विधानसभा सदस्य झूमत नजर आइस।

मंत्री-विधायक के फाग गीत ले गूंजिस विधानसभा परिसर

राजस्व मंत्री टंकराम वर्मा ह मुख मुरली बजाए, छोटे ले श्याम कन्हैया गीत के मधुर प्रस्तुति दी। विधायक अनुज शर्मा ह के तैं मोला मोहिनी डाल दिये रे अउ रंग बरसे गीत गाकर समां बांध दीस। विधायक कुंवर सिंह निषाद ह फागुन मस्त महीना अउ चना के डार राजा गीत गुनगुनाइस। विधायक दिलीप लहरिया ह नदिया के पार म, कदली कछार म गीत सुनाकेे श्रोता ल मंत्रमुग्ध कर दीस। विधायक रामकुमार यादव अउ श्रीमती चातुरी नंद ह तको फाग गीत मन ले समां बांधिस।