भोरमदेव महोत्सव के आयोजन 26 अउ 27 मार्च के जाही

ऐतिहासिक, धार्मिक अउ पुरातात्विक महत्ता के विश्व प्रसिद्घ दर्शनीय जगह भोरमदेव मंदिर म ए साल दू दिवसीय भोरमदेव महोत्सव के आयोजन 26 अउ 27 मार्च के करे जाही। भोरमदेव महोत्सव के बड़का आयोजन के रूपरेखा तय करे के खातिर कलेक्टर गोपाल वर्मा डहर ले जिला के गणमान्य नागरिक, मंदिर समिति जनप्रतिनिधि अउ मीडिया के संगी मनके संग बइठक कलेक्ट्रोरेट सभा कक्ष म आयोजित करिस।

बइठक म ऐतिहासिक, धार्मिक अउ पुरातात्विक महत्ता के विश्व परसिध दर्शनीय जगह भोरमदेव मंदिर के नाम म होए वाला ऐतिहासिक भोरमदेव महोत्सव ल ए बार अउ बढि़या अउ आकर्षक बनाये के खातिर समिति के सदस्य मन ह जरूरी सुझाव दे हावयं। भोरमदेव मंदिर के गरिमा ल बढ़ाये के संग-संग ऐतिहासिक स्मारक मड़वा महल अउ छेरकी महल ल तको आकर्षक ढंग ले सजाये अउ ये दुनों ले कोनो एक ठऊर  म मंच बनाके स्थानीय कलाकार मन ल ठऊर दे के खातिर जरूरी गोठबात तको करे गिस।