छत्तीसगढ़ राज्य म पढ़ईया मन के बीच गाय के वैज्ञानिक पक्ष ल आगू लाने के उद्देश्य ले आयोजित गौ विज्ञान परीक्षा 2024 के जिला स्तरीय परीक्षा के परिणाम आज घोसित करे गिस। प्रदेस के 33 म ले 30 जिला म ये परीक्षा संपन्न होइस। कुछ जिला म अपेक्षित संख्या न होए के सेती ओला तिर म के आन जिला ले जुरो दे गिस। जिला स्तर म पहिली दूसरइया अउ तीसरा ठऊर मिले भाग लेवइया मन ल नगद पुरस्कार 5100, 3100 अउ 1100 रूपिया दे करे जाही संग ही जिला म चतुर्थ अउ पक्म ठऊर मिले ल गोमय कीट दे जाही।
जिला म पहिली पाँच ठऊर मिले सबो विजेता प्रदेस स्तरीय परीक्षा बर पात्र होही। प्रदेस स्तरीय परीक्षा अवइया 20 अप्रैल इतवार ल रायपुर म बिहनिया 10 ले 12 बजे संपन्न होही अउ इही दिन मंझनिया 1 ले 4 बजे के बीच आयोजित कार्यक्रम म जिला अउ प्रदेस स्तर के पुरस्कार दे करे जाही। प्रदेस स्तर म पहिली दूसरइया अउ तीसरा आने वालो ल क्रमश. 51 हजार, 31, हजार अउ 21 हजार रूपिया नगद पुरस्कार दे जाही। परीक्षा जगह के सूचना अलग ले दीस जाही।
महाविद्यालय स्तर म सिरिफ काकेर धमतरी महासमुंद, राजनांदगाव, बालोद दुर्ग, बेमेतरा कवर्धा, बिलासपुर कोरबा, जांजगीर-चांपा अउ सूरजपुर जिला म ही पर्याप्त संख्या म भाग लेवइया पंजीकृत होइस। ये जिला म कॉलेज स्तर म घोसित जिला स्तरीय पुरस्कार दे जाही। काबर के बांचे जिला म करार न्यूनतम संख्या म भाग लेवइया पंजीकृत नइ रिहिस ये सेती उहां के समिति ले विचार करके सदभावना पूर्वक सबो ल भाग लेन देहि अउ ओला प्रदेस स्तरीय प्रतियोगिता म सामिल होए के मउका दे गे हावय जिहां वो अपन प्रतिभा के प्रदर्शन कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।