Prime Minister Internship Scheme. प्रधानमंत्री इंटर्नशिप योजना म 10 वीं, 12 वीं, आईटीआई, डिप्लोमा, स्नातक पास पढ़ईया जेन सरलग शिक्षा या उच्च शिक्षा म पंजीकृत न हो, आवेदन करइया बर ये अनिवार्य हावय कि वो ह कोनो सरलग जॉब, नियोजन म न हो, आवेदन करइया के परिवार म कोनो सदस्य सरकारी नौकरी म न हो, परिवार के कोनो सदस्य के वार्षिक आय 8 लाख ले जादा न हो अउ आवेदन करइया के उमर 21 ले 24 साल तक हो त वो इंटर्नशिप के खातिर आवेदन करके सकत हावयं।
प्रधानमंत्री इंटर्नशिप योजना आवेदन ऑनलाईन पोर्टल
जेकर उपयोग करके आवेदन फार्म भरे जा सकत हावय। आवेदन प्रक्रिया फोकट म हावय। आवेदन फॉर्म भरेे के आखरी तिथि 31 मार्च 2025 हावय। आवेदन कोनो तको लोक सेवा केन्द्र या स्वयं के मोबाइल डहर ले करे जा सकत हाबे। आवेदन के खातिर आधार कार्ड, संबंधित शैक्षणिक योग्यता जइसे 10 वीं, 12वीं, आईटीआई, डिप्लोमा या स्नातक के अंकसूची, परमान पत्र, आधार सीडेड बैंक खाता के पासबुक के पहिली पृष्ठ के छायाप्रति, आधार लिंक्ड मोबाइल नंबर अनिवार्य हावय। इंटर्नशिप कॉर्पोरेट मंत्रालय डहर ले चयनित कंपनी जेकर सूची पोर्टल म दे गे हावय। कोनो एक कंपनी म करना होही ये सिरिफ 1 साल के खातिर होही।
ए योजना म आवेदन के बाद युवा मन ल चयनित होए म भारत सरकार के कॉर्पोरेट उपक्रम म एक साल के अप्रेंटिसशिप म रूपिया 5000.00 हरेक महीना मानदेय अउ सम्बन्धित ल एक साल म रूपिया 6000.00 एकमुश्त आन खरचा बर दे करे जाही। ये अप्रेंटिसशिप सरलग नियुक्ति नइ हावय, ये अप्रेंटिसशिप अनुभव खातिर हावय। ये केन्द्र सरकार के फोकट म योजना हावय, जेकर उद्देश्य बेरोजगार युवा मन ल कौशल प्रशिक्षण दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।