व्यापम डहर ले आयोजित परीक्षा खातिर प्रोफाइल पंजीकरण अउ अपडेट जरूरी

Vyapam exam Profile registration छत्तीसगढ़ व्यावसायिक परीक्षा मंडल (व्यापम) डहर ले आयोजित आने-आने प्रवेश, पात्रता अउ भरती परीक्षा के खातिर आवेदन करइया के प्रोफाइल पंजीकरण के प्रक्रिया अनिवार्य कर दे गे हावय। व्यापम के नवा वेबसाइट https://vyapamcg.cgstate.gov.in ले 27 फरवरी 2025 ले सुरू करे गे हावय। जेन आवेदन करइया ह पहिली ले प्रोफाइल पंजीकरण करे हावय, ओला अपन प्रोफाइल ल अद्यतन करना अनिवार्य होही। आवेदन करइया के सुविधा के दृष्टि ले प्रोफाइल पंजीकरण के बेवस्था लागू करे गे हावय, जेकर ले आवेदन करइया ल अपन व्यक्तिगत जानकारी बार-बार नइ भरना होही। प्रोफाइल पंजीकरण सिरिफ एक बार करना होही अउ इही प्रोफाइल म आवेदन करइया लॉगिन करके ऑनलाइन आवेदन कर सकत हावयं।

प्रोफाइल अद्यतन करे के खातिर आवेदन करइया ल अपन पहिली के प्रोफाइल लॉगिन अउ पासवर्ड के माध्यम ले अपडेशन ऑनलाइन करना अनिवार्य होही, जेमा आवेदन करइया अपन जुन्ना फोटो के ठऊर म नवीनतम पासपोर्ट साइज के फोटो अउ दस्तखत (50 ले 100 केबी जेपीजी) अपलोड करके अपन प्रोफाइल पासवर्ड बदलना होही। आवेदन करइया ल अपन वैध ई-मेल एड्रेस दर्ज करना होही। यदि कोनो आवेदन करइया दिव्यांग हावय, त नवा  वेबसाइट म उल्लेखित दिव्यांगता के रकम ले के चयन करके अपन प्रोफाइल अपडेट करत जिला मेडिकल बोर्ड या सक्षम प्राधिकारी डहर ले जारी दिव्यांगता परमान पाती के क्रमांक अउ जारी होए के दिनांक तको प्रविष्ट करे अनिवार्य होही।  येकर उपराहा यदि आवेदन करइया अपन प्रोफाइल के व्यक्तिगत जानकारी म कोनो सुधार करे चाहत हावयं, त नवा  वेबसाइट म अपन प्रोफाइल लॉगिन म जाके अनिवार्य रूप ले सुधार कर सकत हावयं।

जेन आवेदन करइया ह व्यापम के वेबसाइट म पहिली म अपन प्रोफाइल पंजीकरण नइ करे हावय, वो व्यापम के नवा  बेवसाइट म प्रोफाइल पंजीकरण कर सकत हावयं। व्यापम के परीक्षा म ऑनलाइन आवेदन के खातिर प्रोफाइल पंजीकरण अनिवार्य हावय।