बस्तर फागुन मेला के तीसरइया दिन होइस नाच मांडनी के रस्‍म..., विस्‍तार ले जानव का होथे 'नाच मांडनी'

फागुन मेला तीसरइया दिन म नाच मांडनी रस्म करे गिस। एमे डोली वापसी के बाद साड़ी ले ढके चांवल अउ चंदन के लकड़ी ल दू टोकरी म भण्डारी अउ तुड़पा (सेवादार) लेके रतिहा 10 बजे मोहरी बाजा के थाप म बारह लंकवार, पडि़हार, मांझी-चालकी अउ सेवादार मेंढ़का डोबरा मैदान के देव विश्राम मंदिर म जाथे। जिहां मोहरी बाजा के थाप म कलार अउ कुम्हार समाज सदस्य मन डहर ले मंदिर के आंगन म नृत्य करे जाथे। जेकर बाद ये टोकरी मन ल लेके मंदिर वापस पहुंचथे अउ मंदिर के आंगन म फेर कलार अउ कुम्हार समाज के सदस्य मन डहर ले नृत्य करे जाथे। अंत म टोकरी म रखे चाउंर ल बाजा वादक मन म बाट करके कार्यक्रम समापन करे जाथे। येकर संग ही चौथा दिन लम्हामार कार्यक्रम आयोजित होही।