वन परिक्षेत्र मानपुर म वनमंडल स्तरीय लाख पालन अउ आगी ले सुरक्षा कार्यशाला के आयोजन करे गिस। वनमण्डलाधिकारी मोहला दिनेश पटेल, उप वनमंडलाधिकारी, परिक्षेत्र अधिकारी अउ वनमंडल के कर्मचारीगण के संग ही वन प्रबंधन समिति दुलकी, कोराचा अउ पुगदा के लाख पालनकर्ता सदस्यगण मौजूद रिहिस।
लाख पालन के संबंध म प्रशिक्षण दे बर कांकेर जिला के नरेंद्र पटेल अउ पुरुषोत्तम मंडावी छत्तीसगढ़ सरकार डहर ले लाख पालन म श्रेष्ठ किसान अउ झारखंड के माननीय राज्यपाल डहर ले सम्मानित ल नेवता दे गिसे।
उप-वनमंडलाधिकारी मानपुर डहर ले कार्यशाला के संबंध म उदबोधन दे गिस। नरेंद्र पटेल अउ पुरुषोत्तम मंडावी डहर ले लाख पालन के संबंध म तकनीकी जानकारी दे गिस। लाख पालन ल किसान मनके आमदनी के जरिया बनाये प्रेरित करे गिस। येकर संग ही बताइन के लाख पालन व्यक्तिक एकल व्यवसाय ले जादा क्लस्टर या ग्रुप फार्मिंग म जादा सफल हो सकत हावय।
लाख पालन के संबंध म वनमंडलाधिकारी पटेल ह समिति के सदस्य मन अउ गांव वाला ल आश्वस्त करिन के विभाग उंकर ए बुता म का क्या मदद करही अउ कइसे समिति अउ गांव वाला ल कृषि बुता ले जादा लाख पालन ले कम निवेश के जरिए जादा फायदा कमाये जा सकत हावय। कार्यशाला म लोगन डहर ले तको लाख पालन के संबंध म गोठबात करे गिस अउ उंकर डहर ले अपन अनुभव साझा करे गिस। कुसुम पेड़ म कइसे प्रूनिंग करे जाना चाही अउ ग़लत प्रूनिंग ले का का नुकसान या फायदा म कमी देखे ल मिल सकत हावये। ए म गोठबात करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।