security guard training. जिला के आठवीं पास युवक ल अनआर्मड सिक्योरिटी गार्ड के ट्रेनिंग मिलही। ये प्रशिक्षण 160 घंटा के होही। येकर खातिर जिला के युवा मन ले लाईवलहुड कॉलेज धमतरी म 24 मार्च तक आवेदन करे जाही। आवेदन सिविल कोर्ट के पास लाईवलीहुड कॉलेज म बिहनिया 10 ले संझा 5.30 बजे तक जमा करे जा सकत हाबे। सहायक परियोजना अधिकारी ह बताइन के मुख्यमंत्री कौशल विकास योजना के तहत दे जाये वाला ए प्रशिक्षण के खातिर आवेदन करइया ल शैक्षणिक योग्यता परमान पाती के संग ही आधार कार्ड, बैंक पासबुक, पासपोर्ट साईज फोटो उक दस्तावेज संस्था म स्वयं मौजूद होके जमा करे के होही। ओमन ये तको बताइन के प्रशिक्षण के बाद स्थानीय स्तर म नियोजन तको कराये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।