लइका मनके बढि़या स्वास्थ्य अउ सुपोषण के खातिर मनाये जात हावय ‘पोषण पखवाड़ा‘

राज्य म लइका के बढि़या स्वास्थ्य, सुपोषण अउ कुपोषण उन्मूलन के उद्देश्य ले 8 ले 22 अप्रैल 2025 तक पोषण पखवाड़ा के बड़का रूप ले आयोजन करे जात हावय। मुख्यमंत्री विष्णु देव साय के निर्देश के मुताबिक सबो विभाग प्रमुख ल महिला अउ बाल विकास विभाग के संग समन्वय करत ए अभियान ल सफल बनाये के खातिर सक्रिय भागीदारी सुनिश्चित करे ल किहिन हावय।

पोषण पखवाड़ा के शुरुआत 8 अप्रैल ल साइकिल अउ बाइक रैली अउ पोषण रथ के माध्यम ले करे गिस, जेमा सार्वजनिक ठऊर मन म लोगन ल कुपोषण ले मुक्ति के शपथ दिलाई गिस। ए मउका म जनसमुदाय के भागीदारी ले आने-आने तिथि म खास गतिविधि आयोजित के जात हावयं।

महिला अउ बाल विकास विभाग के अधिकारी मन ह बताइन के ए बखत जिनगी के पहिली 1000 सुनहरे दिन म बिसेस धियान दे जाही, जेमा गर्भवती अउ शिशुवती महतारी मन ल पोषण, स्तनपान अउ पूरक भोजन के जानकारी दे जात हावय। येकर संग ही स्वास्थ्य विभाग के सहयोग ले महतारी मन के स्वास्थ्य जांच के बेवस्था तको करे गे हावय।

पोषण पखवाड़ा के ले लइका म कुपोषण प्रबंधन, मोटापा के रोकथाम, संतुलित  भोजन के महत्ता, जंक फूड के दुष्प्रभाव अउ स्वच्छता के महत्ता म तको जागरूकता फैलाये जात हावय। ‘हमर स्वस्थ लईका‘ अभियान के तहत आंगनबाड़ी के लइका के पोषण स्थिति करे आकलन करे जात हावय।

येकर अलावा, किशोरी नोनी मन अउ महतारी मन म एनीमिया जागरूकता अभियान ले हीमोग्लोबिन जांच करे जाथे अउ पर्यावरण संरक्षण के दिशा म प्लास्टिक उपयोग म कटौती के संदेश तको दे जात हावय।

सबो गतिविधी ल ‘जन आंदोलन डैशबोर्ड‘ म दर्ज करे जात हावय, ताकि प्रयास के मॉनिटरिंग अउ मूल्यांकन संभव हो सके। पोषण पखवाड़ा राज्य के नागरिक ल सुपोषित अउ स्वस्थ बनाये के दिशा म एक जरूरी पहल बनके आगू आत हावय, जेमा जनभागीदारी अउ विभागीय समन्वय के बिसेस भूमिका हावय।