बेरोजगार युवा मन ल कौशल विकास अउ रोजगार के मउका ल बढ़ावा दे के कवायद करे जावथे। येकर खातिर केन्द्र सरकार के प्रधानमंत्री इंटर्नशिप योजना के तहत देश के प्रतिष्ठित कंपनी जइसे सेल, एनटीपीसी, पीजीसीआईएल, एसईसीएल, जिंदल, एचडीएफसी बैंक उक म युवा मन ल प्रशिक्षित करही। योजना के तहत आवेदन के खातिर अवइया 15 अप्रैल तक स्थानीय भोपाल राव पवार सरकारी पॉलिटेक्निक रूद्री (धमतरी) अउ जिला के आने-आने आईटीआई संस्थान म शिविर लगाये जात हावय।
संस्था के प्राचार्य अउ नोडल अधिकारी, प्रधानमंत्री इंटर्नशिप योजना ह बताइन के धमतरी जिला के युवा मन के खातिर पंजीयन अउ आवेदन के खातिर बिसेस शिविर लगाये जात हावय। इच्छुक युवा ए शिविर म मौजूद होके फोकट म पंजीयन अउ आवेदन कर सकत हावयं। योजना के फायदा ले के खातिर पात्रता के जानकारी देत प्राचार्य ह बताइन के 21 ले 24 साल तक के उमर के दसवीं, बारहवीं, आईटीआई, डिप्लोमा, स्नातक पास अइसे विद्यार्थी, जेन सरलग उच्च शिक्षा म पंजीकृत न हों अउ कोनो किसी सरलग जॉब या नियोजन म कार्यरत न हो अउ आवेदन करइया के परिवार के कोनो सदस्य सरकारी सेवा म न हो अउ वार्षिक आय 8 लाख ले जादा न हो पात्र होही।
आवेदन प्रक्रियाः प्रधानमंत्री इंटर्नशिप योजना के तहत सरकार डहर ले मौजूद कराए गे ऑनलाइन https://pminternship.mca.gov.in इच्छुक युवा फोकट म आवेदन कर सकत हावयं। आवेदन लोक सेवा केन्द्र या स्वयं के मोबाइल ले तको करे जा सकत हाबे। आवेदन के खातिर जरूरी दस्तावेज आधार कार्ड, शैक्षणिक योग्यता परमान पाती (10वीं, 12वीं, आईटीआई, डिप्लोमा, स्नातक), सबो अंकसूची के प्रति, बैंक पासबुक के पहिली पृष्ठ के छायाप्रति, आधार लिंक्ड मोबाइल नंबर प्रस्तुत करे के होही।
संस्था के प्राचार्य ह धमतरी जिला के युवा मन ले अपील के हावय के वो ए योजना के फायदा उठाके अपन नौकरी पाये के संभावना ल मजबूत करें। शिविर के संबंध म जादा जानकारी के खातिर सरकारी पॉलिटेक्निक रूद्री, धमतरी या संबंधित आईटीआई संस्थान ले संपर्क करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।