राज्य शासन के नगरीय प्रशासन अउ विकास विभाग ह नगरीय निकाय म वित्तीय साल 2024-25 के संपत्ति कर अउ विवरणी जमा करे के खातिर 30 दिन के बिसेस छूट दे हावय। अब ये 30 अप्रैल 2025 तक जमा करे जा सकत हावयं। राज्य शासन ह सबो कलेक्टर, नगर निगम के आयुक्त अउ नगर पालिका अउ नगर पंचायत मन के मुख्य नगर पालिका अधिकारी मनको ए संबंध म परिपत्र जारी करिन हावय।
नगरीय प्रशासन विभाग ह परिपत्र म किहिन हावय के नगरीय निकाय म संपत्तिकर अउ विवरणी जमा करे के खातिर करार तिथि 31 मार्च 2025 रिहिस हावय। ए साल तको संपत्ति कर अउ विवरणी जमा करे के खातिर आखरी तिथि 31 मार्च 2025 करार रिहिस हावय। वित्तीय साल 2024-25 म लोकसभा चुनाव कार्य, निकाय के परिसीमन कार्य, मतदाता सूची पुनरीक्षण बुता अउ स्थानीय निकाय के चुनाव उक म आचार संहिता तको प्रभावी रही। ये बुता म निकाय के अधिकारी-कर्मचारी तको संलग्न रिहिन। सेती राजस्व आय संग्रहण के कार्यवाही प्रभावित होए हावय।
विभाग ह राजस्व संग्रहण के बुता के प्रभावित होए के देखत साल 2024-25 के संपत्ति कर अउ विवरणी जमा करे के खातिर आखरी तिथि म 30 दिन के बिसेस छूट दे हावय, येकर खातिर 30 अप्रैल 2025 के आखरी तिथि करार करे हावय। नगरीय प्रशासन विभाग ह परिपत्र के माध्यम ले निकाय के कर्मचारी मन डहर ले घर-घर जाके संपत्ति कर संग्रहण करे अउ नागरिक ल ऑनलाइन (Online) भुगतान के खातिर प्रोत्साहित करे के निर्देश दे हावयं। विभाग ह सबो नगरीय निकाय म इंकर अनुपालन सुनिश्चित करत संग्रहण के खातिर करे गे बुता ले शासन ल आरो कराये के तको निर्देश दे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।