सुरता-सुरता... खाली तोर सुरता! शराबबंदी

फोटो ल देखे के बाद अउ कुछ केहे के तो नइ बाचिंस। फेर सोशल मीडिया म अपन गोठ ल बने फरिहा के कहे ले झूला झांझरी के संसा नी राहय। ...तो बात अइसे हे कि ये फोटो ल राजेश मूणत पूर्व मंत्री अउ विधायक जी मन फेसबूक म 12 मई 2020 के पोस्ट करे रिहिन, जब उंकर पार्टी ह विपक्ष म रिहिन। भूपेश बघेल के सरकार ल घेरी-बेरी ओमन गंगाजल के कसम के सुरता देवावय शराबभट्टी बंद करे खातिर। अच्छा माहौल बने रिहिस, अइसे लागे कि भाजपा वाले मन शराबबंदी करा के रइही।

फोटो में पूर्व मुख्यमंत्री डॉ. रमनसिंह ह तकती धरे हावय जेन म लिखे हावय- 'दुखी पीड़ित किसान भाइयो की सुध लीजिए।' पूर्व मंत्री अजय चंद्राकर किथे- 'जमीर तुम्हारा मर गया नहीं अब तो जिंदा है, शराबबंदी की कसम खायी गंगाजल शर्मिंदा है, राज्य में हो पूर्ण शराबबंदी।' पूर्व मंत्री राजेश मूणत का किथे- 'पूर्ण शराबबंदी लागू करो।'

... खैर अपन करनी के सेती कांग्रेस के सरकार निपटगे। फेर ले भाजपा के सरकार आगे, जेमन शराबबंदी बर आंदोलन करे रिहिस उंकरे हाथ म सत्ता के बागडोर हावय।

... हम राजेश मूणत, अजय चंद्राकर, रमन सिंह के साथ हन। लगे राहव 'तुही मन बनाये हव तुही मन सवांरहू।'