साय सरकार मनाही छत्तीसगढ़ म सुशासन तिहार-2025

मुख्यमंत्री विष्णुदेव साय ह सबो जिला कलेक्टर मन ल पाती जारी करत  “सुशासन तिहार-2025” के आयोजन के निर्देश दे हावय। ये तिहार प्रदेस म सुशासन के सशक्त स्थापना, जनसमस्या के तुरते समाधान, जनकल्याणकारी योजना मन के समीक्षा अउ जन संवाद ल सशक्त बनाये के उद्देश्य ले तीन चरण म आयोजित करे जाही।

मुख्यमंत्री साय ह साफ करिन के सरकार शासन के सबोच स्तर म पारदर्शिता, प्रभावशीलता अउ जन-हितैषी प्रशासन के स्थापना ल लेके कटिबद्ध हावय। ए तिहार के माध्यम ले शासन-प्रशासन सोज आम जनता ले जुड़के, उंकर समस्या ल समयबद्ध ढंग ले सुलझाये के बुता करही।

मुख्यमंत्री विष्णु देव साय ह किहिन के हमर सरकार राज्य म सुशासन के स्थापना ल लेके सरलग काम करत हावय। शासन-प्रशासन के सबोच स्तर म सरकारी काम-काज म पारदर्शिता आए, सरकारी योजना मन अउ कार्यक्रम के प्रभावी क्रियान्वयन सुनिश्चित हो, येकर फायदा समाज के उन वर्ग ल तत्परता ले मिले, जेकर खातिर योजना मन संचालित करे जात हावयं, इही ल लेके शासन-प्रशासन स्तर म प्रभावी पहल करे जात हावय।

मुख्यमंत्री साय ह सबो जिला कलेक्टर मन ल पाती लिखके सुशासन तिहार-2025 के संचालन के संबंध म जरूरी दिशा-निर्देश दे हावयं। ओमन किहिन हावय के “सुशासन तिहार-2025” के आयोजन के उद्देश्य आम जनता के समस्या के समयबद्ध निराकरण सुनिश्चित करना, शासन के जनकल्याणकारी योजना मन के क्रियान्वयन के समीक्षा करे अउ विकास बुता म गति लाने के संग ही आम जनता, जनप्रतिनिधी मन अउ आने-आने सामाजिक संगठन मन ले सोज संवाद स्थापित करे हावय।

सुशासन तिहार-2025 के आयोजन तीन चरण में

मुख्यमंत्री साय ह किहिन के सुशासन तिहार-2025 के आयोजन तीन चरण म होही। पहिली चरण म 08 अप्रैल ले 11 अप्रैल 2025 तक आम जनता ले आवेदन ले जाही। आन चरण म लगभग एक महीना के भीतर मिले आवेदन के निराकरण करे जाही। तीसरइया अउ आखरी चरण म 05 मई ले 31 मई 2025 के बीच समाधान शिविर के आयोजन करे जाही। ए तिहार ल सुव्यवस्थित अउ प्रभावी बनाये के खातिर विस्ता्र ले दिशा-निर्देश जारी करे  जात हावयं अउ एक पोर्टल बनाये जात हावय। सबोच जिला के परंपरा, जरूरत अउ परिस्थिति के मुताबिक नवाचार तको करे  जा सकत हावयं, जेकर ले ये तिहार जादा जनोपयोगी अउ प्रभावशाली बने।

मुख्यमंत्री विष्णु देव साय ह सबो जिला कलेक्टर मन ल निर्देशित करिन हावय के आम जनता ले उंकर समस्या के संबंध म 08 अप्रैल ले 11 अप्रैल 2025 तक गांव पंचायत मुख्यालय अउ नगरीय निकाय कार्यालय म बिहनिया 10 बजे ले संझा 5 बजे तक आवेदन ले जाही। ये जगह म समाधान पेटी रखे जाही, ताकि लोगन अपन समस्या अउ शिकायत निःसंकोच लिखके ओमा डाल सकें। आवेदन मिले करे के खातिर समाधान पेटी के बेवस्था जिला अउ विकासखण्ड मुख्यालय स्तर म तको करे जाए। जरूरत अनुसार हाट बाजार म तको आवेदन संग्रह करे जा सकत हावयं। ऑनलाइन आवेदन के तको पोर्टल म बेवस्था रइही। कॉमन सर्विस सेंटर के तको ऑनलाइन आवेदन ले बर उपयोग करे जा सकत हाबे। सबोच आवेदन ल एक कोड दे के जानकारी पोर्टल म मौजूद रइही। करार प्रारूप म खाली आवेदन पाती (ग्रामवार/नगरीय निकायवार कोड सहित) प्रिन्ट करा के गांव वाला ल मौजूद कराइन जा सकत हावयं।

मुख्यमंत्री साय ह किहिन के सबोच आवेदन ल पोर्टल म पंजीकृत करके ऑनलाइन अपलोड करे जाही, संग ही, आवेदनकर्ता ल पावती दे जाही। जनता ल आवेदन लिखने म मदद दे करे बर कलेक्टर जरूरत नुसार अधिकारी मन/कर्मचारी मनके ड्यूटी लगे सकत हावयं। ये तिथि के आने-आने माध्य ले बड़का प्रचार-प्रसार करे जाए।

आवेदन के निराकरण

मुख्यमंत्री साय ह किहिन के सबो मिले आवेदन ल स्कैन करके सॉफ्टवेयर म अपलोड करे जाही अउ संबंधित जिला/जनपद/नगरीय निकाय के  अधिकारी मनको ऑनलाइन अउ भौतिक रूप ले भेजे जाही। संबंधित विभाग/अधिकारी लगभग एक महीना म ये आवेदन के निराकरण सुनिश्चित करही। मांग ले संबंधित आवेदन ल बजट के उपलब्धता के आधार म निराकृत करिन जाही। ये आवेदन के निराकरण के गुणवत्ता के विश्लेषण जिला अउ राज्य स्तर म करे जाए।